“Toki Atsegiña” Antiguoko Jubilatuen Elkarteak oraingo honetan Toledora bidaia bat proposatzen die bere bazkideei, Martxoaren 24 eta 27 artean egiteko. Toledo XVI. mendean Espainiako hiriburua izan zen antzinako hiria da. Tajo ibaiaren gaineko muino batean dago eta Erdi Aroko monumentuengatik da ezaguna. Bere harresi-hirian, hiru zibilizazio elkarrekin bizi ziren harmonia ezin hobean: arabiarrak, juduak eta kristauak. “El Greco” margolari manieristaren etxea ere izan zen.
Bidaian “Puy de Fou” parke tematikoa ere bisitatuko dugu. Bidaiaren programa osoa erantsita dago. Toledo
Bidaiaren prezioa 568 eurokoa da logela bikoitzean eta 693 eurokoa logela bakarrean, gastu guztiak barne, baita baliogabetze asegurua ere. Egonaldia Toledoko “María Cristina” hotelean izango da.
Bidaiaren izen-ematea datorren asteartean, Urtarrilaren 30ean, hasiko da, 10:00etan hasita, Elkartearen bulegoan. Aseguruetarako, interesatuek NANaren fotokopia eman beharko dute izena ematerakoan.