Elkarteak “JOSÉ JOAQUIN FERRER Y CANFRANGA, ASTRONOMO PASAITARRIA” -RI BURUZKO HITZALDI BAT antolatu du, APIRILAREN 13AN (ASTELEHENA) emango dena.

Hitzaldia ALBERTO RODRÍGUEZ PEÑARANDAk (“ROTTER”) emango du. Gure bazkidea da eta itsas gaien dibulgatzailea. XVI. mendetik XVIII. mendera bitarteko bidaiekin eta nabigazio-teknikekin lotutako gure itsas ondarearen zabalkundean dihardu. Gure elkartean, Albertok Euskal Baleontziak, Urdaneta, Elkano, etab. bezalako gaiei buruzko hitzaldiak eman ditu. Hitzaldiaren gidoia eransten da Guión charla Ferrer

Joseph Joachin Ferrer y Canfranga Pasaian jaio zen 1763an eta Bilbon hil zen 1814an. 17 urte zituela, Rodney almirante ingelesak Caracasera eraman zuen konboi batean sartu zen, eta Winchesterren egon zen preso Espainia eta Ingalaterraren arteko bakea sinatu arte. Cadizera itzulita, Armadaren Errege Institutuan eta Behatokian sartu zen, eta ibilbide oso garrantzitsua hasi zuen, Europako eta Amerikako zientzia-erakunde nagusiekin harremanak izatera bultzatu zuena (Estatu Batuetako Elkarte Filosofikoa, Greenwicheko Errege Behatokia, Frantziako Institutua…).

Hala ere, Amerikan eta Europan egin zituen ikerketa astronomikoengatik maila zientifikoan errekonozimendua jaso arren, gure Herrian ahaztuta geratu zen pertsonaia da.

Hitzaldia Elkartearen (Etxea) ERABILERA ANITZEKO ARETOAN emango da, 17:30ean, eta SARRERA LIBREA izango da.